കുടുംബത്തിലേക്ക് ഒരു ആണ്‍കുട്ടി എത്തിയിരിക്കുന്നു! തക്കിട്ടു ഒരു ചേച്ചി ആയി.. സന്തോഷം പങ്കിട്ട് ശില്പ ബാല
സിനിമയിലും ചാനല്‍ പരിപാടികളിലുമൊക്കെയായി മലയാളികൾക്ക് പ്രിയങ്കരിയായി മാറിയ താരമാണ് ശില്പ ബാല. യൂട്യൂബ് ചാനലിലൂടെയും മറ്റ് സോഷ്യൽ മീഡിയ പ്ലാറ്റ് ഫോമുകളിലൂടെയും താരം വിശേഷങ്ങള്‍ പങ്കിടാറുണ്ട്. കുറച്ച് നാളുകൾക്ക് മുൻപ് വീട്ടിലേക്ക് ഒരു അതിഥി എത്തുന്നു എന്ന് ശില്പ തന്നെ പറഞ്ഞിരുന്നു. കുഞ്ഞു വാവയെ സ്വീകരിക്കാനുള്ള ഒരുക്കത്തിലാണെന്നും ശില്പ പങ്കിട്ട പോസ്റ്റിലൂടെ പറഞ്ഞിരുന്നു. ഇതിന്റെ ഫോട്ടോഷൂട്ട് ചിത്രങ്ങളും ഏറെ ശ്രദ്ധ നേടിയിരുന്നു.
ഇപ്പോഴിതാ സഹോദരിയായ ശ്വേത അമ്മയായതിന്റെ സന്തോഷം പങ്കുവെച്ച് കൊണ്ടാണ് ശില്പ എത്തിയിരിക്കുന്നത്. ഞങ്ങളുടെ കുടുംബത്തിലേക്കൊരു ഒരു ആണ്‍കുട്ടി എത്തിയിരിക്കുകയാണ് എന്നാണ് ശില്പ കുറിച്ചത്. ജീവിതത്തിലെ പുതിയ തുടക്കത്തിലേക്ക് കടക്കുന്ന ചിന്നൂനും അളിയനും ആശംസകള്‍ എന്നും ശില്പ കുറിച്ചിട്ടുണ്ട്. ഇനി സന്തോഷം എന്ന് പറഞ്ഞാൽ ഏമ്പക്കമാണ്. ഡയപ്പര്‍ എപ്പോഴും വൃത്തിയായി കൊണ്ട് നടക്കുക എന്നതാണ് സ്ട്രസ്. അവൻ ഞങ്ങൾക്ക് മാലാഖക്കുഞ്ഞാണ്. കുഞ്ഞനിയന്‍ എത്തി എന്ന് കേട്ടപ്പോള്‍ അവനുള്ള ബെഡുമായി ആശുപത്രിയിലേക്ക് വന്നിരിക്കുകയാണ് തക്കിട്ടു.
മകളുടെ ചിത്രവും ശില്പ പോസ്റ്റിലൂടെ പങ്കിട്ടിരുന്നു. നിരവധി പേരാണ് ശില്പ പങ്കുവെച്ച പോസ്റ്റിന് താഴെയായി ആശംസകൾ അറിയിച്ചു കൊണ്ട് എത്തിയിരിക്കുന്നത്. ദീപ്തി വിധുപ്രതാപ്, ഷഫ്‌ന നിസാം, സനുഷ സന്തോഷ് തുടങ്ങിയവരെല്ലാം ശ്വേതയ്ക്കും രാഹുലിനും ആശംസകൾ അറിയിച്ചു കൊണ്ട് എത്തിയിരുന്നു. തക്കിട്ടു ചേച്ചിക്കുട്ടിയായല്ലോ എന്നാണ് ആരാധകര്‍ പറഞ്ഞത്. ശ്വേതയെ ചിന്നു എന്നാണ് വീട്ടില്‍ എല്ലാവരും വിളിക്കാറുള്ളത്. അവള്‍ എനിക്കെന്നും ഒരു ബേബിയാണ്, അവള്‍ക്കൊരു കുഞ്ഞ് വരുന്നു എന്ന് പറയുമ്പോൾ എനിക്ക് ഉണ്ടാവുന്ന ഫീലിംഗ്‌സ് പറഞ്ഞറിയിക്കാൻ കഴിയുന്നില്ല.
വീട്ടിലേക്ക് പുതിയൊരു അംഗം കൂടി എത്തുന്നതിന്റെ സന്തോഷത്തിലാണ് എല്ലാവരും. നിന്റെ വരവിനായി ഞങ്ങൾ കാത്തിരിക്കുകയാണ്. എല്ലാ ഒരുക്കങ്ങളും ഞങ്ങൾ നടത്തിക്കഴിഞ്ഞുവെന്നും ശില്പ പറഞ്ഞിരുന്നു. കുഞ്ഞിനെ ഞാന്‍ എന്തായിരിക്കും വിളിക്കാന്‍ പോവുന്നത് എന്നാണ് തൻ്റെ ചിന്ത എന്നും ശില്പ നേരത്തെ പങ്കുവെച്ച പോസ്റ്റിൽ കുറിച്ചിരുന്നു. സീമന്തം ചടങ്ങിന്റെ വീഡിയോയും സോഷ്യല്‍മീഡിയയിൽ വൈറലായിരുന്നു. 2020 ലായിരുന്നു രാഹുലും ശ്വേതയും തമ്മിലുള്ള വിവാഹം നടന്നത്. ശില്‍പയുടെ സുഹൃത്തുക്കളെല്ലാം തന്നെ വിവാഹത്തില്‍ പങ്കെടുത്തിരുന്നു. കൊവിഡ് സമയം ആയതിനാൽ അടുത്ത ബന്ധുക്കളും സുഹൃത്തുളും മാത്രമായിരുന്നു വിവാഹ ചടങ്ങിൽ പങ്കെടുത്തത്. വിവാഹത്തിന്റെ ചിത്രങ്ങളും വീഡിയോകളും എല്ലാം തന്നെ സോഷ്യല്‍മീഡിയയിലൂടെ ഏറെ ശ്രദ്ധ നേടിയിരുന്നു.